Arwain Tîm (Sefydliad Rheolaeth Siartredig) Lefel 2 - Tystysgrif
Trosolwg
Mae’r cwrs hwn yn cynnig ymagwedd hyblyg at ddysgu ac fe’i cynlluniwyd ar gyfer arweinwyr tîm gweithredol neu ddarpar arweinwyr tîm sydd am ddatblygu eu sgiliau a’u gwybodaeth. Mae’r cymhwyster hwn yn fan cychwyn da ar gyfer eich taith gyrfa.
Gwybodaeth allweddol
Rhaid i ddysgwyr fod yn arweinwyr tîm newydd neu ddarpar arweinwyr tîm.
Bydd gan bob dysgwr diwtor/asesydd dynodedig a fydd yn gweithio’n agos gyda dysgwyr a chyflogwyr i sicrhau bod yr unedau a ddewisir yn addas i’w rolau unigol, eu blaenoriaethau sefydliadol ac yn bodloni gofynion y cymhwyster. Gellir darparu’r cymhwyster o bell neu gall y tiwtor/asesydd ymweld â’r dysgwr bob 4-6 wythnos mewn lleoliad sy’n gyfleus i’r dysgwr a’r asesydd.
Unedau
- Bod yn arweinydd tîm
- Darparu gwasanaeth cwsmeriaid
- Monitro perfformiad tîm
- Meithrin perthnasoedd gwaith
- Datblygu anghenion tîm
Ar ôl cwblhau’r cwrs yn llwyddiannus, mae’r Sefydliad Arweinyddiaeth a Rheolaeth yn argymell y cymhwyster canlynol:
- Rheolaeth Llinell Gyntaf Lefel 3 – Cymwysterau
Cymorth Astudio
Bydd gan ddysgwyr fynediad i Management Direct, llyfrgell ar-lein gynhwysfawr am ddim sy'n cynnwys y deunydd diweddaraf sy'n mynd i'r afael ag arferion rheoli cyfredol. Mae’r adnoddau hefyd yn hwyluso’r broses o astudio ar gyfer unigolion sy’n dymuno gwella eu sgiliau.